Ecuria negative e Manchester United këtë sezon ka bërë që të gjithë tifozët e “Djajve të Kuq” të dëshpërohen dhe në shumë raste të kërkojnë largimin e teknikut Jose Murinho. Edhe pse mediat vendase kanë shkruar së fundmi se Murinho do të largohet nëse dështon dhe pasditen e sotme ndaj Newscaslte-s, ky lajm sipas klubit nuk është i vëertë.
“Daily Mail” shkruan së fundmi se ka kontaktuar me drejtuesit e klubit lidhur me këtë çështje dhe këta të fundit kanë mohuar të kenë thënë diçka të tillë që ka lidhje me shkarkimin e trajnerit në fjalë.
“Djajtë” nuk fitojnë prej pesë takimesh në “Old Trafford” duke barazuar në mënyrë shifrat negative të vitit 1989. Nëse dështon dhe ditën e sotme, United do të regjistronte rekordin më negativ të historisë së klubit.
