Pas tre fitoreve të rëndësishme të ndërthurua mes Ligue 1 dhe Champions League, lojtarët e Paris Saint-Germain kanë marrë një pushim krejtësisht të merituar.
Sipas asaj që mësohet nga Franca, trajneri Thomas Tuchel i kishte premtuar futbollistëve, që nuk do të luajnë me kombëtaret, plot 6 ditë pushim, nëse do të fitonin ndaj Lyon. Ata fituan 5-0 dhe morën “dhuratën” nga gjermani.
Trajneri i kryesuesve të Ligue 1 e ka mbajtur premtimin dhe lojtarët që nuk janë grumbulluar me kombëtaret përkatëse do të priten në klub vetëm të hënën më 15 tetor.