Ka ardhur më në fund edhe divorci zyrtar mes Juves dhe ish-trajnerit Mauricio Sarri.
Ky i fundit, edhe pse qëndroi një vit pushim pasi i liroi vendin Andrea Pirlos, ka vazhduar të paguhet nga “Zonja e Vjetër”, ndonëse siç raporton media italiane, të dyja palët kanë arritur një marrëveshje me vlerë 2.5 milionë eurosh, të cilat do të shkojnë në xhepat e Sarrit, për të anuluar vitin e tretë dhe të fundit të kontratës me ish-kampionët e Italisë.
Kjo ditë intensive e djeshme në selinë e Juves lidhet mbi të gjitha me faktin se Lacio ka vendosur që t’ia pasojë pikërisht Sarrit stolin e lënë bosh nga Simone Inzagi. Madje, dje në mbrëmje raportohet se është arritur edhe akordi total me kryeqytetasit: 4 milionë euro neto në sezon, për 3 vitet e ardhshme.
