Vetëm një sezon i shkëlqyer në Premier League nuk mund të bëjë diferencën dhe ta bëjë një futbollist më të mirin. I këtij mendimi është trajneri spanjoll i Manchester City, që duke bërë një krahasim mes Salah dhe Aguero, shprehet se nuk mund të bëhet kurrë një krahasim i tillë, pasi sulmuesi argjentinas i kampionëve të Anglisë ka vite që ka këto nivele në kampionatin anglez.
“Salah është një lojtari i ri, është një futbollist i shkëlqyer dhe për të ky është sezoni i parë në Premier pas debutimit me Chelsea disa vite më parë. Por do të shohim në të ardhmen se si do të jetë karriera e tij këtu. Ndërsa ajo e Aguero dihet. Sergio ka sezone që realizon shumë gola, ka shumë tituj kampionë këtu, ndaj nuk mund të bëhet një krahasim e të thuhet se Salah është më i mirë”, tha trajneri Pep Guardiola.
Më tej, trajneri spanjoll thotë: “Aguero ka vite që është në këto nivele, që realizon gola dhe është një legjendë e Premier League. Për Salah, sezoni i kaluar ishte i pari dhe një krahasim mes dy futbollistëve mund të bëhet vetëm pas 7-8 vitesh”, tha Pep, që i paraprin kështu duelit të madh për titull mes Liverpool dhe Manchester City që luhet në “Anfield”.
