Sipas informacioneve të stacionit radiofonik RMC, sagës së rinovimit të Anthony Martial po i vjen fundi. Sulmuesi i talentuar është pranë rinovimit të kontratës aktuale, e cila skadon në vitin 2019.
Së funmdi është përfolur për një largim të 22-jeçarit, pas marrëdhënies së vështirë që ka pasur me trajnerin e Manchester United, Jose Mourinho.
Por Martial është shprehur se: “Marrëdhënia jonë nuk ka qenë asnjëherë e tensionuar. Kemi një marrëdhënie lojtar-trajner dhe shpresoj që të rikthejmë Manchester United aty ku i takon.”
Martial ka shkëlqyer në dy ndeshjet e fundit të Djajve. Ai ka shënuar tre gola, në po aq goditje në kuadrat.
