I ashpër, por vetëm në fushën e lojës. Kartoni i verdhë numër 23 e ka konfirmuar këtë. Felipe Melo, ish-lojtar i Fiorentinës, Juventusit, dhe Interit, ka vendosur një rekord kartonësh me fanellën e Palmeiras.
Një arritje negative, për të cilën braziliani ka bërë edhe shaka në përfundim të ndeshjes së fituar nga skuadra e tij kundër Cruzeiro-s. Duke kujtuar rekordin e vendosur nga Sergio Ramos në Champions dhe La Liga, për numrin e kartonëve të verdhë të marrë, Melo ka thënë:
“Doja të isha si Sergio Ramos. Karton, karton, karton dhe më pas kampion në Champions, dhe kampion bote. Ky ishte objektivi im (ka qeshur). I pranoj kritikat, i analizoj dhe kërkoj gjithmonë të përmirësohem”, ka thënë ai.