Antonio Cassano kthehet në trajnim me një ekip profesional, konkretisht me Virtus Entella. Sulmuesi barez, megjithatë, nuk është zyrtarisht i angazhuar me klubin ligurian, i cili tani për tani do t’i lejojë ish-lojtarit të Sampdorias vetëm të stërvitet nën urdhrat e Boscaglia. Tani për tani.
“Virtus Entella njofton se ka pranuar kërkesën e Antonio Cassanos, që nga e hëna e ardhshme ai të stërvitet me ekipin e parë, nën urdhërat e teknikut Roberto Boscaglia, pa asnjë lidhje kontraktuale”, – është deklarata e lëshuar nga klubi në fjalë, në faqen zyrtare të tij.
Kujtojmë se Virtus Entella ishte ekipi i dy futbollistëve shqiptarë në sezonin e kaluar, Naser Aliji dhe Azdren Llullaku, në Seria B, por kuqezinjtë nuk e bënë të mundur mbijetesën në këtë kategori të futbollit italian. Edicionin aktual, Virtus Entella është pjesë e Seria C.
