Milan ndjek me interes mesfushorin e talentuar të Barcelonës, Denis Suarez. Drejtuesit e klubit kuqezi kanë nisur bisedimet me përfaqësues të klubit katalan, për të parë mundësinë e afrimit të 24-vjeçarit me hapjen e merkatos së janarit.
Me ardhjen e Arthur në merkaton e verës, hapësirat për Suarez në formacionin “blaugrana” janë kufizuar ndjeshëm, ndaj dhe lojtari e sheh si një mundësi të mirë largimin në janar. Në verë Napoli tentoi të blinte Denis Suarezin, por kërkesa e Barcelonës prej 50 milionë eurosh frenoi gjithçka.
