Sulmuesi nga Mali, i ardhur me bujë dhe i cilësuar si një talent te Flamurtari, Abdoluaye Ibrahima Toungara sot ka bërë një ndërhyrje kirurgjikale, e cila do ta mbajë larg fushave të blerta për të paktën deri në fund të këtij viti.
Sot, sulmuesi 19-vjeçar nga Mali ka bërë një ndërhyrje kirurgjikale në ligamentin kroçiat anterior dhe këtë lajm e ka bërë zyrtar edhe vetë klubi kuqezi. Toungara sezonin e shkuar ka luajtur në shtatë ndeshje me skuadrën e Flamaurtarit dhe ka shënuar 1 gol. Ndërkohë, ai më pas është huazuar në kampionatin kosovar ku u bë pjesë e skuadrës së Lirisë së Prizërenit që drejtohej nga Blendi Shkëmbi, trajneri aktual i Teutës.
