Skiatorja amerikane Mikaela Shiffrin fitoi sot garën e gjigandit për femra, garë e vlefshme për Kupën e Botës. Kjo ishte gara e parë sezonale e skive, zhvilluar në pistën suedeze të Soelden.
Pas dy zbritjeve, Shiffrin dha kohën e përgjithshme 2’07”22, duke lënë pas zviceranen Lara Gut, që udhëhiqte pas zbritjes së parë. Në podium i ngjit edhe Petra Vlhova e Sllovakisë.
Për skiatoren amerikane ky është suksesi nr.70 në karrierë në garat e Kupës së Botës, i 13-ti në disiplinën e gjigandit. Nesër do të zhvillohet gara e gjigandit për meshkuj, po në këtë pistë.
