Trajneri i kombëtares shqiptare, Christian Panucci ka vlerësuar sezonin që po kalon skuadra e Juventusit, ndërkohë që ka theksuar se në Seria A luhet vetëm për vendin e dytë, pasi kampioni dihet.
“Firma me Cristiano Ronaldon e ka bërë akoma më të fortë Juventusin. Bardhezinjtë janë të pakonkurueshëm në kampionat, dhe tashmë luhet vetëm për vendin e dytë. Kështu që Juventusi do të tentojë të bëj mirë në Champions, kompeticioni ku mund të fokusohet dhe mund të arrijnë edhe ta fitojnë.“-përfundoi tekniku kuqezi.
Panucci nuk po kalon një moment të mirë në stolin e kombëtares sonë, pasi humbja e fundit në ndeshjen e Ligës së Kombeve ndaj Izraelit ka lëkundur jo pak pozitat në pankinën kuqezi.