Partizani-Skënderbeu është kryendeshja e javës së 10-të në Superiore, dhe nga më të rëndësishmet në tërësi të kampionatit, ku dy nga ekipet më të mira këtë sezon përplasin brirët.
Në një pasdite të hëne, në kryeqytet, në “Selman Stërmasi” ndeshja luhet me drita, por lë për të dëshiruar fakti se numri i tifozëve nuk do të jetë aq i lartë, në rëndësinë e sfidës. Siç mësohet, deri para ndeshjes janë shitur rreth 4 mijë bileta. Gjithsesi, vazhdojnë ende që në biletarinë e stadiumit, të shiten bileta, ku nuk mungojnë tifozët që e kanë lënë për në momentin e fundit të blejnë biletën.
