Kombëtarja shqiptare e femrave U-17 ka humbur sërish në ndeshjen e dytë eliminatore të Kampionatit Europian.
Pas humbjes së thellë në takimin e parë, me shifrat 14-0 ndaj Irlandës, ditën e sotme vajzat kuqezi kanë pësuar disfatë të thellë ndaj Serbisë me rezultatin 8-0.
Futbollistet serbe kanë shënuar plot 8 herë në portën e Shqipërisë e cila tashmë mbetet në vendin e fundit, por ajo që rëndon më shumë, është golavarazhi, teksa kanë pësuar plot 22 gola në vetëm dy takime.
Takimi i radhës dhe i fundit, do të luhet në datën 28 tetor, në orën 14:00, ndaj Uellsit U17.