50 vite më parë, gjatë Lojërave Olimpike të zhvilluara në Meksikë (1968) është regjistruar rasti i parë i dopingut në sport. Dhe sportisti i parë që është “kapur” nga antidopingu është suedezi Hans-Gunnar Liljenwall, që doli pozitiv me… alkol. Siç shpjegoi më pas vetë sportisti, ai kishte pirë dy birra para garës, pasi ishte nervoz. Por më pas rezultoi se kishte pirë të paktën 4 birra, gjë që rezultoi fatale për të dhe skuadrën, pasi Suedia humbi medaljen e bronzit që pat fituar.
Sasia e lartën e birrës që kishte pirë atleti suedez i 5-garëshit bëri që sasia e etanolit në urinë të ishte e lartë. Asokohe, 5-garëshi ishte ndryshe nga sot, nuk përfshinte vetëm gara të sportit të atletikës, por edhe disiplina të tjera dhe zgjaste disa ditë. Para garës së qitjes, atleti kishte pirë disa birra, pasi siç shpjegoi më vonë ishte shumë nervoz. Por kjo bëri që ai të dalë pozitiv, duke hyrë kështu në listën e zezë, si sportisti i parë me doping në histori.
