Gjaku dhe origjina janë diçka që ke brenda teje edhe nëse jeton larg atdheut dhe tokës tënde. Mjafton simbolika, kultura dhe të ruash zakonet e traditën, përveç se gjuhën.
Dhe, në Siçili, aty ku Pllaja e Shqiptarëve, ose në italisht, “Piana degli Albanesi”, delegacioni kuqezi do të udhëtonte kohë më parë, përpara se të ndeshej me Italinë në eliminatoret e Botërorit 2018. Një takim miqësor, për të përuruar edhe traditat dhe për t’u njohur më pranë me një arbëreshët.
Një komunitet që i reziston kohës dhe jo vetëm. Një skuadër futbolli për ata është një motiv më shumë për të dhënë mesazhin: gjuha nuk duhet harruar! Skuadra në fjalë quhet San Giorgio Piana, por në të vërtetë duhet të jetë Pllaja Shën Gjergji.
Merr pjesë te amatorët, në Grupin 1 të Sicilisë, por rëndësi ka pjesëmarrja dhe fakti që në stadium, ose fushën e tyre sportive, një grup arbëresësh janë gjithmonë të pranishëm.
Mesazhe të ndryshme që përcjellin përkatësi për flamurin shqiptar. Një shembull për t’u ndjekur…
