Real Madrid do të luajë sot në transfertë kundër CSKA-së së Moskës, ndeshje e vlefshme për Champions League. Trajneri i madrilenëve, Lopetegui duhet të bëjë mirë llogaritë pasi në takimin e sotëm do të vuajë mungesën e disa lojtarëve. Veç Iscos që u operua javën e kaluar, tekniku madrilen nuk ka të gatshëm edhe dy futbollistë të rëndësishëm.
Bëhet fjalë për Gareth Bale dhe Sergio Ramos të cilët nuk do të jenë në fushë për këtë sfidë të Champions League. Kapiteni Ramos do të mungojë pasi ka tejkaluar limitin e minutave të luajtura në fushë, teksa ka bërë plot 120 minuta, më shumë se çdo futbollist tjetër. Gjithashtu në “repertorin” e lojtarëve që nuk janë sot të gatshëm është edhe mbrojtësi i majtë, Marcelo i dëmtuar javën e shkuar. Takimi mes CSKA-së së Moskës dhe Real Madrid luhet në orën 20:45.
