Fanellat e reja për sezonin 2019/20 të Barcelonës pritet të shkaktojë shumë debate mes tifozëve të katalanasve. Fanella e verdhë me dy vija digaonale, u quajt “fatkeqe” në vitet 80.
Sipas gazetës Mundo Deportivo, Barça duket se është e vendosur ta rikthejë fanellën e verdhë, të cilën katalanasit e kanë përdorur në mesin e vitit 1970-të dhe në fillim të 1980-të.
Një fanellë e cila u braktis përfundimisht pas humbjeve ndaj Manchester United, Metz dhe Osasuna, pasi u quajt “e mallkuar”. Ndryshimi i dizajnit midis atij të viteve ’70 dhe ’80, do të jetë te vizat, të cilat tani do të jenë nga e majta në të djathtë dhe jo më nga e djathta në të majtë.
Edhe pse me një ngjyrë më të çelët, Barça ka veshur fanellë të verdhë në vitet e fundit, siç është ajo me shirit vertikal, që u përdor në fitoren dramatike të arritur kundër Chelsea , në gjysmëfinalen e Champions League të vitit 2009.
❗️NOTICIA MD – La camiseta suplente 2019-20, amarilla como en los años 70https://t.co/j1HO6iDIrV por @ffpolo pic.twitter.com/HwJZ0ms3mF
— Mundo Deportivo (@mundodeportivo) October 18, 2018