Ish-trajneri i Napolit Maurizio Sarri insiston se do ta marrë seriozisht Europa League me Chelsean. Ish-bankieri udhëhoqi Napolin drejt 91 pikëve në Serie A sezonin e kaluar, një shifër rekord por që nuk mjaftoi për të fituar Scudetton.
Ai është kritikuar për mungesën e rotacionit, duke i dhënë prioritet kampionatit, me ekipin e tij që u eliminua nga Champions League, Europa League dhe Coppa Italia para kohe.
“Mendoj se për momentin gjëja më e rëndësishme për klubin tim është rikthimi në Champions League,” shprehet trajneri në konferencën për shtyp. “Të luash në Champions League është gjëja më e rëndësishme për momentin. Dua të shkoj deri në fund në Europa League.
“Jam këtu për të fituar, dua të fitoj diçka që këtë sezon. Shpresoj t’ia dal.”
