Ekziston një opsion i mundshëm që Jose Mourinho mund të rikthehet në Real Madrid. Lajmin në fjalë e ka bërë të ditur gazeta italiane, “Gazzetta dello Sport”, e cila shkruan se nga ana tjetër, Antonio Conte mund të kalojë në Man United.
Mourinho e njeh mjaft mirë Real Madridin pasi e ka drejtuar edhe më parë klubin nga kryeqyteti i Spanjës. “Special One” ka qenë në krye të Real Madridit nga viti 2010 deri në vitin 2013.
Gjatë kohës së tij në Real Madrid, klubi nuk fitoi asgjë më shumë përveç La Ligas dhe Copa del Rey.
Pas tri vitesh në këtë post, Mourinho u largua nga Madridi me marrëveshje të përbashkët, pavarësisht se kishte edhe tri vite të mbetura në kontratë.