Elseid Hysaj, lojtari i Kombëtares sonë të futbollit, duket se me shumë gjasa është larg Napolit.
Oferta e parë zyrtare sipas “tuttosport” vjen nga skuadra spanjolle e Atletico Madridit.
20 milion euro është oferta e dhënë nga madrilenët, të cilët kërkojnë ta transferojnë mbrojtësin shkodran në “Wanda Metropolitano”.
Kjo ofertë është shumë më e vogël nga ajo sa kërkon skuadra napolitane, që për Hysajn kërkojnë rreth 40 milion euro.
Hysaj ka pasur kontakte edhe me skuadrën e Juventusit, por ai po pret lëvizjen që do të bëjë Sarri, pasi ky i fundit është përfolur si trajner i ardhshëm i Juventusit dhe lojtari shqiptar është një nga të preferuarit e tij që në kohën kur drejtonte Napolin.
