Mbrojtësi i Kombëtares, Mërgim Mavraj, deklaroi pas ndeshjes ndaj AEK, se futbolli grek ka probleme dhe se e pengojnë shumë gjera jashtë futbollit. Mjafton të shikoni ndeshjen e djeshme mes Ksanthit dhe PAS Janinës së Andli Lilës dhe do e kuptoni që Mavraj ka të drejtë.
Shpesh “qahemi” për arbitrimin në futbollin shqiptar, por ka e më keq. Skuadra vendase e Ksanthit arriti të triumfonte me përmbysje ndaj Janinës, ku protagonist absolut ka qenë… gjyqtari.
Penallti skandaloze kundër ekipit të Andi Lilës, një karton i kuq i pa dhënë dhe shumë raste të tjera, në dukje të qëllimshme për të dëmtuar ekipin mik.
