Boksieri amerikan Terence Crawford ka mbrojtur titullin kampion bote të peshës “welter” në kategorinë WBO, pas fitores me “KO teknik” në raundin e 12-të ndaj patriotit të tij Jose Benavitez, duel që u zhvillua në Nebraska. Një duel që po shkonte drejt mbylljes dhe me Crawford favorit për ta fituar atë, duke parë ecurinë e 12 raundeve, por kampioni i botës ka qenë i vendosur të mos priste fitoren nga gjyqtarët. Gjyqtari ndali duelin pak sekonda pasi kishte nisur raundi i fundit, duke parë vështirësitë që po haste Benavitez në ring në ato momente, duke i dhënë fitoren kampionit të botës.
Crawford, 31 vjeç, mbeti kështu i pamposhtur në ring, 34 fitore e asnjë humbje, duke mbrojtur për herë të parë titullin kampion që pat fituar në qershor të këtij viti. Ndërsa për Benavitez kjo ishte humbja e parë në karrierë, ku numëron edhe 27 fitore. Në këtë humbje të Benavitez ndikoi edhe një dëmtim që ai pësoi në gju më herët në këtë duel, por në raundin e 12-të, një kombinim i shkëlqyer i grushteve të Crawford bëri që gjithçka të përfundojë para gongut final. “Jam i lumtur që mbrojta titullin dhe qëndrova i pamposhtur. Tani më presin sfida të reja”, tha kampioni i botës.
Terence Crawford’s stoppage of Jose Benavidez Jr last night is pure class 👏
Who’s next for Bud? #TWBWpic.twitter.com/mtQnU0ZHoM
— World Boxing Wall (@WorldBoxingWall) October 14, 2018
