Khabib Nurmagomedov ka mposhtur Conor McGregor në UFC 229 duke ruajtur titullin kampion të peshës së lehtë, por ai ka bërë një gabim të madh pasi arbitri Herb Dean i dha fund ndeshjes.
Luftëtari rus nuk arriti të kontrollonte emocionet duke dalë nga kafazi dhe duke sulmuar një prej trajnerëve të McGregor, Dillon Denis. Një sherr masiv shpërthen në rreshtin e parë, dhe disa prej shokëve të Khabib kanë sulmuar McGregor brenda oktagonit, duke e goditur disa herë.
Por e dini që Khabib ndjek një shqiptar në Instagram? Bëhet fjalë për Ilir Latifi, një nga yjet e peshës “light heavyweight” në artet marciale mikse UFC. Ky i fundit ka reaguar edhe në Instagram për fitoren e Khabibit duke uruar rusin për triumfin ndaj McGregor.
