Paulo Dibala është emri konkret ose blerja 100 milionë euroshe që është paralajmëruar prej gati një viti në radhët e Bajernit të Mynihut, por nga prilli i kaluar e deri në ditët e fundit, futbollisti i Juventusit konfirmohet gjithmonë e më shumë si objektivi kryesor, duke nisur që nga merkato e janarit, por pa dyshim që ndoshta sulmi ndaj argjentinasit mund të jetë edhe më i fortë, në verën e 2019- ës. Kjo ide lindi konkretisht prillin e vitit 2017, kur në një konferencë për shtyp, Karl-Hainc Rumenige, i pyetur mbi një përforcim të mundshëm, mbi një preferencë të tijën nënvizoi: “Kur mendoj mbi një lojtar që mund të rriste nivelin tonë më vjen emri i Dibalës në kokë, por ka edhe të tjerë”.
Dhe pikërisht ky emër vazhdon të jetë pjesë e listës së dëshirave, duke qenë se në orët e fundit Bajerni i Mynihut i ka bërë një ofertë prej 100 milionësh Juventusit, për ta marrë që në janar, por edhe për një mundësi shkëmbimi kokë me kokë me Hames Rodrigezin, që në dritaren e transferimeve të dimrit, por pëlqimi i Rumeniges për Dibalën u konfirmua edhe dje, taksa hynte në qendrën stërvitore: “Konfirmoni pëlqimin për Dibalën?”, – pyetën gazetarët dhe ai u kthehet duke tundur kokën dhe duke qeshur.
Gjithsesi, në selinë e gjigantëve të Bundesligës, nuk ka shpëtuar pa u vënë re edhe deklarata e bërë të enjten nga Luis Suarez: “Barcelona duhet të mendojë që të gjejë një tjetër numër 9 (uruguaiani mban pikërisht këtë numër në fanellë). Tashmë jam 31 vjeç dhe është normale që një klub si Barça të mendojë për rifreskimin e grupit të lojtarëve”. Ky reagim i bomberit kuqeblu ka tërhequr vëmendjen e Hënesit dhe Rumeniges, të cilët përveç Dibalës kanë nisur sondazhet edhe për amerikano-jugorin, i cili ndoshta po mendon që të lërë Barcelonën dhe të kërkojë një tjetër aventurë, pse jo në Bundesligë, me një tjetër ekip madhështor si Bajerni.
