Hugo Lloris e ka quajtur ndeshjen mes Arsenalit dhe Tottenhamit të dielën më shumë se një ndeshje.
Udhëtimi i Tottenhamit të dielën në “Emirates” do të jetë derbi i dytë londinez, pasi në javën e kaluar e mposhtën Chelsea me rezultatin 3-1.
“E dimë që është më shumë se një ndeshje për të dy klubet dhe fansat”, ka thënë portieri francez.
“Është një ndeshje, në të cilën të gjithë dëshirojmë të luajmë”.
“Do të jetë interesant ballafaqimi me trajnerin e ri të Arsenalit”.
Tottenhami është në pozitën e tretë me 30 pikë, tri më shumë se Arsenali në vendin e pestë në tabelën e Premierligës.