Mourinho ia doli të triumfojnë në “Allianz”, ku ekipi i tij fitoi me përmbysje ndaj Juventusit të Cristiano Ronaldo.
Ishte një ndeshje e luftuar nga të dyja skuadrat, por më shumë se për lojën e dhënë në fushë nga dy ekipet, u komentua gjatë mënyra e festimit të portugezit. Sot, ajo është shndërruar në trend në rrjetet sociale dhe po “kopjohet” në masë. Pas Ançelotit, rradha është e Neymar.
Braziliani, Mbappe dhe Draxler po garonin me njëri-tjetrin se cili prej tyre do të shënonte më shumë kosha dhe fituesi… ishte 26-vjeçari. Ky i fundit zgjodhi të festonte si Mourinho dhe sigurisht në fund nuk nguroi të tallej me shokun e tij të skuadrës, Mbappe për “dështimin”.
