Lewis Hamilton nuk ndalet edhe pse ka fituar titullin kampion në Formula 1 për këtë sezon. Piloti britanik siguroi sot në mbrëmje “pole position” në pistën e Interlagos, aty ku ditën e diel do të zhvillohet gara e Çmimit të Madh të Brazilit, gara e parafundit e këtij Botërori. Britaniku dha kohën 1’07”281, rekord për këtë pistë, duke lënë pas rivalin e Ferrarit, Sebastian Vettel dhe të dy do ta nisin garën e nesërme nga vija e parë.
Në përfundim të sesionit të parë u eliminuan Sainz (Renault), Hartley (Toro Rosso), Alonso (McLaren), Stroll (Williams) dhe Vandoorne (McLaren), ndërkohë që kohën më të shpejtë e vendosi Max Verstappen me Red Bull. Ndërsa në përfundim të sesionit të dytë, ku kohën më të shpejtë e realizoi Valtteri Bottas me Mercedes, u eliminuan nga gara për “pole” pilotët magnussen (Haas), Perez e Ocon me Force India, HUlkenberg (Renault) dhe Sirotkin (Williams).