Stadiumi i Shkupit do të plotësohet vitin e ardhshëm me tribunë të re. Kryetari i Komunës së Çairit në Maqedoni Visar Ganiu komunikoi në faqen e tij zyrtare se marrëveshja është arritur midis Komunës së Çairit, Federatës Maqedonase të Futbollit dhe UEFA-s.
“Bota Sot” bën me dije se projekti nis zbatimin nga fillimi i vitit të ardhshëm dhe do të përfundojë brenda 2019.
“Stadiumi i K.F. SHKUPI së shpejti me tribunë të re!
Me kënaqësinë më të madhe njoftoj qytetarët e Çairit se projekti për ndërtimin e tribunës së re të premtuar të stadiumit të K.F. Shkupi i përpiluar në partneritet në mes Komunës së Çairit dhe Federatës së Futbollit të Maqedonisë është miratuar nga ana e Federatës së Futbollit Evropian – UEFA.
Shprehim faleminderimin tonë ndaj Kryetarit të Federatës së Futbollit të Maqedonisë z. Muamed Sejdini me të cilin bashkërisht dorëzuam aplikimin në UEFA.
Drejt realizimit të premtimeve të dhëna.”