Duket se Diego Armando Maradona do të ketë një aventurë të suksesshme me skuadrën e Dorados në Meksikë. Ditën e djeshme në mbrëmje skuadra e “El Pibe de Oros” ka arritur që të marrë një fitore të merituar 1 me 0 në finalen e parë përballe skuadrës së Atletiko San Luis.
Goli i vetëm për skuadrën e Dorados u shënua në minutën e 73-të, por ajo që tërhoqi më shumë vëmendjen në këtë ndeshje, ishte reagimi i çuditshëm i Maradonës ndaj arbitrit të katërt në fundin e ndeshjes. Një reagim i pakuptimtë që ndoshta lidhej me akordimin e katër minutave shtesë.
