Paco Alcacer e ka merituar plotësisht besimin e drejtuesve të Borussia Dortmund dhe këtë e ka arritur falë përformancës së tij. Sulmuesi, i cili gjatë merkatos së verës u transferua nga Barcelona në formë huazimi, me fanellën verdhezi ka realizuar 9 gola mes Bundesligës dhe Champions Leages.
Sipas mediave gjernane, drejtuesit e klubit nga “Westfalenstadion” kanë vendosur të ushtrojnë të drejtën e blerjes përfundimtare të kartonit të 25-vjeçarit. Zyrtarizimi do të bëhet më 27 nëntor, ditë kur do të mblidhet asambleja e aksionerëve. Dortmundi për kartonin e Alcacer do t’i paguajë Barcelonës shumën e rreth 30 milionë eurove plus bonuse.
