Juventusi po kalon një periudhë të mirë këtë sezon, si në kampionat, ashtu edhe në Champions League. Bardhezinjtë mundën Milanin në takimin e fundit me rezultatin 0-2 në “San Siro”, me gol të shënuar nga Mandzukiç dhe Ronaldo.
Megjithatë drejtuesit e klubit nuk ndalen dhe duan të sjellin përsëri në “Allianz Stadium” francezin Paul Pogba
Mundësitë për të nënshkruar me mesfushorin nuk mungojnë. Sikurse raportonTuttosport, Juventus po mendon të ofrojë te Manchester United një nga Mario Mandzukic, Mehdi Benatia ose Alex Sandro, por gjithashtu edhe para shtesë, për ta kthyer francezin në Torino. Për të parë nëse diçka e tillë do të konfirmohet, duhet të presim në merkaton e janarit, ose më tej, në atë verore.
