Paul Pogba tha se nuk festoi me golin e fitores ndaj ish-skuadrës së tij mbrëmë në kuadër të Ligës së Kampionëve.
Manchester Unitedi e përmbysi rezultatin ndaj Juventusit, ishte në disavantazh deri në minutën e 86’ të takimit, mirëpo Juan Mata dhe Pogba i dhanë fitoren në fund skuadrës angleze, transmeton Gazeta Express.
“Fitorja ishte e rëndësishme, mirëpo tifozët e Juves më dhanë një mikpritje të ngrohtë”, tha francezi pas ndeshjes.
“Nuk festova kur rezultati shkoi në 2-1, u ndjeva çuditshëm. Pash shumë njerëz, të cilët i njoh shumë mirë. Luajtëm kundër një skuadre të madhe dhe na nevojitej fitorja”.
Pogba u pyet për një rikthim të tij në Torino.
“Nuk i dihet. Jam me Unitedin momentalisht. Ka shumë për të folur për këtë, mirëpo jam i lumtur që luaj për Manchester Unitedin”.
“Ishte një ndjenjë e mirë rikthimi im këtu, edhe pse u ndjeva në siklet kur shkova në dhomën e zhveshjes të mysafirëve”.
