Një lëvizje e papritur, ka ardhur ditën e sotme nga klubi i Kukësit. Është mesfushori Besar Musolli, i cili për momentin gjendet i dëmtuar prej lëndimit të ligamentit të gjurit, që ka ndërprerë kontratën me klubin verilindor.
Një nga pikat kyçe të ekipit të Kukësit vitet e fundit, Musolli zgjedh që të zgjidhë me konsensus kontratën me drejtuesit, duke parë edhe rrethanat në të cilat gjendet tashmë. 29-vjeçari, ishte një nga afrimet e klubit 6 sezone më parë, edhe kur u ngjitën në Superiore, nga ekipi i Hysit në Kosovë.