Alexis Sanchez do të qëndrojë larg fushave për gjashtë javë për shkak të një dëmtimi në kofshë. 29-vjeçari do të mungojë gjatë gjithë periudhës së festave dhe mund të ketë luajtur ndeshjen e tij të fundit me “Djajtë e Kuq”.
Trajneri Mou ka konfirmuar: “Ai ka pësuar një dëmtim serioz, nuk dua të rrezikoj duke thënë për sa kohë do të mungojë, por duke u bazuar tek eksperienca ime, mendoj se nuk do të luajë më këtë vit”.
Sanchez, i dëmtuar në stërvitje ditën e enjte, nuk ka bindur pas transferimit të tij tek United. Mourinho nuk e grumbulloi për ndeshjen e Champions League kundër Young Boys dhe ka bërë të ditur se nuk ishte për shkak dëmtimi.
Paris Saint-Germain mund të vihet në lëvizje për të në merkaton e janarit, ndërsa Arsenal shihet si skuadra favorite për të siguruar shërbimet e tij nga kompanitë e basteve.
