As në ëndrrat e tyre më të bukura, njerëzit që kanë krijuar Ultimate Fighting Championship nuk do ta kishin imagjinuar se çfarë do të ndodhte 25 vite më pas. UFC Denver shënonte 25-vjetorin e krijimit të UFC dhe ndeshja kryesore ishte ajo mes Yair Rodriguez ndaj “Zombit Korean” Chan Sung Jung.
Dhe çfarë sfide që ishte! Ajo përfundoi me një prej nokauteve më të bukur të historisë së sportit. Pas ndeshjes që zgjati gati 25 minuta, Rodriguez i dha fund kundërshtarit me një bërryl që nuk ishte parë ndonjëherë.
Ai ishte i përkulur përpara kur ngriti bërrylin drejt fytyrës së koreanit, i cili ra menjëherë në tokë thuajse pa ndjenja, siç mund ta shihni në videon e mëposhtme.
