Boksieri turk që u mposht nga shqiptari Ferit Keta i bën presion ish-rivalit të tij për t’u përballur sërish për revansh.
Fatih Mehmet Karakus ka vënë në lojë dy titujt e tij dhe premton se nuk dëshiron asnjë shpërblim financiar, vetëm dhe vetëm për t’u hakmarrë për humbjen në Dibër të Madhe.
“Unë e dua një ndeshje tjetër me të, sepse ajo e para nuk shkoi deri në fund. Këtë herë mund të ndeshemi në Mynih, Maqedoni, Shqipëri, ku të jetojë Ferit Keta dhe vëllezërit e tij. Për mua nuk ka asnjë farë rëndësie”, deklaroi Karakus.
Keta e mposhti në raundin e pestë në ndeshjen e 8 shtatorit duke mos i dhënë asnjë mundësi kundërshtarit për fitore. Deri tani, Feriti nuk ka humbur asnjë ndeshje në karrierë duke i fituar të gjitha sfidat (11).
