Natë e madhe, sonte, për Sergio Busquets. Mesfushori katalanas do të luajë në “Wanda Metropolitano” ndeshjen e tij të 500-të me fanellën e ekipit të parë të Barcelonës. Ai debutoi me Blaugranët në kohën kur ishte trajner Pep Guardiola, për t’u futur tashmë në “klubin 500” të Barcelonës.
Duke “rrëmuar” në historinë e skuadrës katalanase në këtë drejtim, vetëm shtatë lojtarë e kanë arritur këtë numër të paraqitjeve. Të gjitha janë legjenda të Barçës: Xavi, Iniesta, Messi, Puyol, Migueli dhe Víctor Valdes. Busquets do të futet, në këtë mënyrë, në një përzgjedhje futbollistësh, që do ta bëjë atë të përjetshëm.
Përveç Kampionatit Europian dhe Kupës së Botës, që i fitoi me ekipin kombëtar, “palmaresi” i Sergio Busquets në nivel klubi është i vështirë të përmirësohet… Tre Champions, shtatë La Liga dhe gjashtë Kupa Mbreti shërbejnë si dëshmi e një lojtari, që po bën epokë te Barcelona.