Dy herë është shtyrë deri më tani ndeshja superklasike midis River Plejtit dhe Boka Xhuniorsit dhe ende nuk është marrë një vendim se kur mund të luhet kjo ndeshje. Ditën e nesërme sipas raportimeve më të fundit pritet të merret dhe vendimi zyrtar se kur do të luhet kjo ndeshje.
Duke parë zhvillimet e bëra deri tani për këtë ndeshje, klubi i Xhenoas, më saktë Bashkia e Xhenoas ka bërë një thirrje që kjo ndeshje me këtë dinamikë të lartë të luhet në Itali. Kërkesa është bërë për dy presidentët e klubeve të cilët janë me origjinë italiane dhe si stadium i propozuar është ai i “Luixhi Ferraris”. Ndeshja e parë midis këtyre dy skuadrave përfundoi në shifrat e barabarta 2 me 2.
