Kur kanë mbetur edhe pak ditë nga Botërori i Skive për femra, një nga pretendentet kryesore për të fituar, Lara Gut ka ndryshuar mbiemrin e saj dhe në këtë Botëror, do të paraqitet si Lara Gut Behrami. Shkak për këtë ndryshim të mbiemrit, është bërë martesa me mesfushorin Valon Behrami, me të cilin është martuar verën e kaluar.
Pavarësisht se kanë kaluar disa muaj nga dasma, skiatorja e famshme ka vendosu ta ndryshojë mbiemrin vetëm ditët e fundit. Ajo ka fituar disa herë medalje argjendi dhe bronzi në kampionatet e ndryshme të skive dhe në Lojërat Olimpike Dimërore.
Kjo në fakt nuk është hera e parë kur një skiatore ndryshon mbiemrin para Botërorit, por Lara është pak më ndryshe se të tjera. Dy skiatore të tjera, Ana Veith më parë e kishte mbiemrin Feninger ndërsa Lindsi Von e kishte Kildou. Lara ka vendosur që të mbajë dy mbiemra dhe jo vetëm të Behramit.
