Trajneri italian, i Torinos, Walter Mazzari është dërguar ditën e djeshme, në mënyrë urgjente në spital. Pas stërvitjes rutinë të ekipit torinez, Mazzari ka pasur shqetësime shëndetësore. Ai ka qenë një prej kandidatëve për të marrë drejtimin e Kombëtares shqiptare.
Torino është në pritje të asaj që do të konstatojnë mjekët, por paraprakisht mësohet se trajneri ka marrë rekomandimin, që të pushojë dhe të mos angazhohet në botën e futbollit. Momentalisht deri në një konstatim të dytë, ekipin do ta drejtojë, zëvendës trajneri i skuadrës.
