Didier Drogba, njëri nga sulmuesit më të mirë në histori të Premierligës i ka dhënë fund karrierës së tij në futbollin aktiv. Ish-sulmuesi i Chelseas ka thënë se në të ardhmen ai mund të aktivizohet si trajner i ndonjë skuadre.Por, gjithashtu ai është pyetur edhe për mbrojtësin më të mirë që është përballur gjatë karrierës së tij të lavdishme.
“Është e vështirë për mua të them se cili ishte mbrojtësi më i mirë, sepse zakonisht kam luajtur kundër dy mbrojtësve njëherësh. Dyshja më e mirë mund të them se ishin Vidic – Ferdinand”, ka thënë Drogba për “Metro”.
“Por nuk mund të lë pas edhe dyshen tjetër të vështirë, Carles Puyol dhe Gerrard Pique”, vijoi ia. Por, i nxitur për të përmendur vetëm një emër, ai ka thënë: “Mendoj Pique, sepse përballjet kundër tij kanë qenë shumë të vështira”.
Kujtojmë që Drogba fitoi trofeun e Champions Leagues duke mposhtru në finale Bajernin e Mynihut.
