Goli i rekordit për Ronaldon, forma e shkëlqyer e Dougllas Cosas dhe ecuria fantastike e Mario Mandzukiç rrezikojnë që të kalojnë në hije për Juventusin. Motivi nuk ka të bëjë me dëmtimet apo me ndonjë kritikë të trajnerit Allegri. Gjithçka lidhet me koret e radhës raciste ndaj qytetit të Napolit. Një faturë që mund t’i kushtojë shtrenjtë bardhezinjve.
Nuk është hera e parë që kjo situatë përsëritet sa herë që Napoli nuk luan aspak. Jo më larg se tre ditë më parë, Karlo Anccelotti, trajneri i Hysajt me shokë, kërkoi që ky diskriminim në stadiumet e Italisë të frenonte, ndryshe rriste urrejtjen.
Kore kundër Napolit si “Vezuvio, laji me llavë” apo “Napoli, mbeturina e Italisë” janë bërë tashmë refren në stadiumet italiane. Edhe në Udinese-Roma u dëgjuan thirrje të tilla në sektorin mik, pra atë verdhekuq.
Pas episodit të radhës, sektori i ultrasve bardhezi rrezikon që të mbyllet për derbin e Italisë, ndaj Interit. Një humbje e madhe kjo, në rast se do të merrej vendimi.
Sakaq, në lidhje me shiritin e kapitenit në sfidën e fituar me SPAL, ka folur edhe Mandzukic. Ishte hera e parë që kroati mbante shiritin. “një nder që mbajta shiritindhe festova me skuadrën. Me apo pa shirit, ndihem një juventin i vëretë dhe do të jap gjithmonë më të mirën për këtë fanellë”.