Sol Bamba pranon se i shpëtoi kartonit të dytë të verdhë pasi hoqi fanellën, duke i gënjyer arbitrit. Mbrojtësi i Cardiff shënoi golin e fitores ndaj Brighton në minutat e fundit të takimit dhe hoqi fanellën për të festuar.
Arbitri Martin Atkinson e ka pyetur Bamba nëse hoqi fanellën gjatë festimit të çmendur të lojtarëve vendas. Qendërmbrojtësi shprehet për Sky Sports: “Arbitri më pyeti nëse kisha hequr fanellën dhe unë i thashë jo.”
Ishte Lewis Dunk ai që kaloi miqtë në avantazh në pjesën e parë, përpara se Paterson të barazonte rezultatin. Blutë po vuanin të përmbysnin rezultatin me një lojtar më shumë pas kartonit të kuq të Stephens.
Por ishte Bamba ai që i dha fitoren ekipit të tij në fund pas një goditjeje të fuqishme nga shumë pranë portës.
