FIFPRO ka kërkuar një investigim urgjent të trajtimit të dyshimtë mjekësor që u është dhënë lojtarëve në Qipro.Raportet nga Qipro pretendojnë se tre lojtarë janë detyruar të tërhiqen nga futbolli pasi u është dhënë një injeksion që përmbante një substancë të panjohur.
Të paktën katër doktorë klubesh kanë administruar trajtimin duke detyruar sindikatën e futbollistëve të kërkojë investigimin.
Në deklaratën e tyre shkruhej: “Për shkak të dyshimeve se ka një lidhje mes substancave të paidentifikuara dhe problemeve serioze me zemrën të tre lojtarëve, Fifpro i bën thirrje autoriteteve të futbollit të ndihmojnë me identifikimin e substancës së përdorur që ka rrezikuar jetën e shokëve të ekipit.”
Fifpro ka shtuar se Federata e Futbollit të Qipros dhe UEFA janë kontaktuar për të bërë sa më të madh problemin.
Injeksionet thuhet të jenë përdorur që prej sezonit të kaluar për të përshpejtuar rikuperimin e lojtarëve.
