Futbolli Shqiptar këtë sezon po rezulton sa i bukur aq edhe i luftuar. Një garë e ashpër po bëhet në Superligë sa i takon titullit dhe ekipeve për mbijetesë. Por futboll spektakolar po luhet edhe në Kategorinë e Parë. Në grupin B, kryeson Besa e Kavajës edhe pse me një pikë më shumë se Bylis.
Ekipi i drejtuar nga Gentian Begeja ka si qëllim rikthim në Supërligë. Ekskluzivisht për AlpeNews.al sulmuesi kryesor i verdhezinjëve Albi Çekiçi tregon atmosferën dhe objektivat sezonal.
INTERVISTA E PLOTË:
1- Cekiçi, sezonin e shkuar zhvilluat një kampionat spektakolar duke u shapllur golashënuesi i Kategorisë së Parë me fanellën e Pogradecit. Keni patur oferta nga ekipe të Superligës apo edhe jashtë Shqipërisë përpara se të firmosnit me Besën?
Kam patur disa oferta pasi zhvillova një kampionat fantastik sezonin e shkuar. Më konkret ishin drejtuesit e Llapit në Kosovë por nuk fund nuk arritëm një marrveshje përfundimtare. Oferta e Besës ishte e parezistueshme pasi presidenti Bizhdili më tregoi projektin e tij ambicioz.
2- Këtë sezon nuk keni shënuar si një vit më parë por keni qenë gjithmonë jetik sa i takon lojës që implementon Besa. Si është atmosfera në klub?
Për mua nuk ka rëndësi golat por pikët dhe suksesi i skuadrës. Jam me fat që luaj me fanellën e një ekipi që ka bërë historinë e futbollit shqiptar. Këtu kam kolegë të mrekullueshëm dhe një qytet ku mendon çdo moment për futbollin. Unë përpiqem të jap gjithmonë maksimumin.
3- Kryesoni Grupin B, cili është objektivi i Besës këtë sezon?
Objektivi i Besës është i qartë, duam vetëm Superligën. Jemi një skuadër që është ndërtaur vetëm për të fituar dhe për ta çuar ekipin aty ku e meriton.
4- Kë shikoni si rivalin më të fortë sa i takon ngjitjes në Superligë?
Kategoria e Parë është gjithmonë e rivalizuar dhe shumë tërheqëse. Ky sezon po rezulton spektakolar. Ekipet që do rivalizojmë për sa i takon ngjitjes në Superligë janë Bylis dhe Pogradeci.
5- Kush është lojtari që të befason më shumë tek Besa sa i takon aftësive që ka?
Për të qenë i sinqertë janë disa, por do të veçoja Miglid Mihanin një kampion i madh. Edhe pse 35 vjeç luan me një dëshirë të madhe dëshiron të marri maksimumin dhe na ndihmonë të gjithëve shumë.
6- Çfarë mardhënie ke me trajnerin Begeja?
Kam mardhënie të shkëlqyera. Është një trajner i cili mundohet të japi maksimumin nga vetja dhe pretendon të bëj më të mirën në raportin mne futbollistët që ka në dispozicion.
7- Çfarë i premton tifozëve të Besës?
Do jap shpirtin në fushë për ta dërguar Besën që ata e duan shumë në Superligë. Tifozët janë gjithmonë një ndihmesë e madhe për ne, ka treguar shpesh herë që janë të mrekullueshëm.
8- Në fund, cili është idhulli juaj që keni apo jeni inspiruar në futboll?
Jam rritur duke parë magjitë dhe spektaklin e fenomentit Ronaldo. Një futbollist i kompletuar që më bëri ta dashuroj futbollin.
Përgatiti:AlpeNews.al