Qendërmbrojtësi i Barcelonës, Samuel Umtiti nuk ka arritur që të stërvitet me skuadrën paraditen e sotme për shkak të një dhimbje që ndjente në gjurin e majtë. Vetë klubi katalanas ka konfirmuar se lojtari me shumë mundësi do të mungojë në ndeshjen e së shtunës kundër Athletic Bilbao në “Camo Nou”.
Trajneri Ernesto Valverde pritet t’ja besojë vendin e 24-vjeçarit kamerunas, Clement Lenglet, i cili kthehet pas dënimit. Mbrojtësi francez u ndëshkua me karton të kuq në përballjen që Barça barazoi 2-2 ndaj Gironas, që e la jashtë formacionit në ndeshjen e humbur ndaj Leganes. Një tjetër opsion si zëvendësues është edhe Thomas Vermaelen.
Në seancën e sotme stërvitore ishin të pranishëm e gjithë pjesa tjetër e skuadrës së parë, si edhe portieri i ekipit të dytë Inaki Pena. Blaugranët do të luajnë në “Camp Nou” pasditen e nesërme në orën 16:15 në kuadër të javës së shtatë të kampionatit.