Një ditë më parë, Gjykata Ndërkombëtare e Arbitrazhit Sportiv (CAS), nëpërmjet një komunikimi zyrtar, deklaroi se klubi i Skënderbeut nuk kishte apeluar vendimin e UEFA-s për dënimin e dhënë më herët në adresë të klubit korçar.
Mirëpo gjithçka rezultati të ishte false, pasi Skënderbeu publikoi një shkresë, ku pretendonte të kundërtën e asaj që deklaronte CAS.
Janë këto të fundit që sot përgënjeshtrojnë veten, duke kërkuar ndjesë për lajmin e djeshëm.
“Pasi kontrolluam të dhënat tona, në të vërtetë është e qartë se ekziston një apelim në pritje në CAS mes KF Skënderbeu dhe UEFA, në lidhje me vendimin e lëshuar nga trupa e apelimit të UEFA më 26 prill.
Ju kërkoj ndjesë për gabimin në mesazhin e parë dhe kuptoj konfuzionin që mund të ketë shkaktuar. Procedura e arbitrazhit të CAS është në vazhdim dhe paneli i gjyqtarëve është emëruar”, shkruhet në përgjigjen e sotme të CAS-it.
