Ylli i Paris Saint-Germainit Neymar ka thënë se ende po vuan prej lëndimit të tij pavarësisht udhëheqjes së skuadrës së tij në fitoren e mbrëmshme ndaj Liverpoolit në Ligën e Kampionëve.
Parisienët shënuan fitore të rëndësishme 2-1 ndaj Liverpoolit, falë golit të Juan Bernat dhe Neymarit.
“Nuk isha 100 për qind i gatshëm”, ka thënë Neymar.
“Mirëpo ishte një ndeshje e rëndësishme, kështu që i lënduar ose jo, duhet të isha aty”.
Neymari theu rekordin e legjendës së Milanit, Kakas, i cili ishte braziliani me më së shumti gola në Ligën e Kampionëve, gjithsej 30, mirëpo Neymari mbrëmë shënoi gol dhe tani ka 31 gola në garën prestigjioze evropiane.