Lorik Cana tashmë është futbollisti i preferuar i shumë shqiptarëve dhe për disa vite me radhë ka qenë kapiten i Kombëtares Shqiptare.
Për të përshkruar karrierën e tij të suksesshme ai që më herët ka treguar se po realizonte një film-dokumentar me emrin “Lorik”. Këtë e bëri të ditur vetë Cana dhe tani duket se xhirimet kanë mbaruar dhe është caktuar data e publikimit.
“Ky është posteri zyrtar i filmit “Lorik” një film i realizuar me shumë dashuri mbi rrugëtimin tim nga miku im Andi Decka që më bindi para 2 vitesh rreth këtij projekti… Nuk ka qenë e lehtë por besoj ja ke dal Ando me gjithë partnerët qe të kanë mbështetur . 5 dhjetor” – shkruan Cana në postimin e tij në Instagram.
