Masimo Morati, ish-presidenti i Interit, i cili me Murinjon në stol fitoi edhe tripletën në vitin 2010, ka komentuar gjestet e portugezit, në fund të sfidës me Juventusit.
“Gjesti i Murinjos pothuajse mbuloi suksesin e Mançester Junajtid, i cili ishte një rezultat i rëndësishëm për të dhe për ekipin. Është pjesë e karakterit të tij. Kthimi në Itali, ku gjen gjithë ndjesinë, eksperiencën dhe pasionin si të ishte këtu, e bën në një pozicion që të reagojë ashtu, duke krijuar edhe situata të tilla. Nuk mendoj se ato gjeste ishin fyese për ndokënd. A emocionohem kur ai thotë ‘Interi im’? Jo, e bën shpesh këtë gjë, dhe për këtë arsye reagon në një mënyrë të tillë” – deklaroi Masimo Morati.